Nace en Pontevedra, en abril, na rúa dedicada ao seu abó Benito Corbal. Fillo de José Conde Pérez e Trinidad Corbal Souto.

Estuda no colexio privado de dona Estrellita, na rúa Michelena.

Estuda no colexio Balmes, na Praza de Méndez Núñez.
Pasa os veráns no Pazo de Ramirás, Untes, preto de Ourense, de onde procedía o seu pai.

Iníciase no debuxo co seu tío Sixto Vizcaíno.

Frecuenta o estudio de Bibiano Fernández-Osorio e Tafall, onde aprende a técnica do debuxo científico.

Inicia os estudos de Dereito na Universidade de Santiago. Faise mozo de  Margarita Escuredo Lago.
Forma grupo artístico cos seus amigos Rafael Alonso, pintor e Juan Manuel Casturera, fotógrafo.

Inicia os estudos de Química en Santiago.

Abandona a Universidade. Aproba os cursos de Maxisterio.

Trasládase a Benavente, onde dirixe unha fábrica de cerámica, en sociedade co seu cuñado Javier Vázquez.

Casa con Margarita Escuredo Lago, filla do empresario da Fábrica de Cerámica Artística Celta, en Pontecesures, e da Conserveira Yago no Grove, Eugenio Escuredo Lastra.
Pasa os veráns no Grove, na casa dos seus sogros.

Na súa voda con Margarita Escuredo
Foto: Juan Manuel Casturera

Colaboracións con El Imperio. Debuxa paisaxes, durante as vacacións de  verán.

Nace a súa filla Dolores.

Nunha das súas primeiras exposicións
Foto: Antonio Gabriel

Frecuenta a compañía dun grupo de novos artistas, chamados por Risco “Os artistiñas” no que están Xosé Luís de Dios, Acisclo Manzano, Xaime Quessada, Virxilio…

Exposición en febreiro, no Liceo Recreo Ourensán: paisaxes, retratos e mariñas. En marzo expón na Sala de Arte Xuvenil, en Ourense; divide a mostra en cinco temas: o mar, os pobos, a terra, o home e a vaca. En xullo expón na Sala de Arte La Troya, de Ourense, gouaches con mariñas e paisaxes. Inicia a serie de colaboracións en La Región, co título “Ourense perdurable” os debuxos levan textos de Vicente Risco. Fai ilustracións para La Hoja del Lunes en Ourense chamada “Vilas e Cidades de Galicia” con textos de Vicente Risco, Ferro Couselo, Xaquín Lourenzo, Otero Pedrayo. Realiza carteis, cubertas de revistas e murais por encargo comercial, como o de comercio Mileva, hoxe desaparecido.
Nace o seu fillo Gonzalo.

Vicente Risco en conferencia, entre o público Conde Corbal.

Foto: Reza

Expón acuarelas da serie “Ourense perdurable” no Claustro do Museo Arqueolóxico Provincial de Ourense. O que antes era debuxo en negro, son agora acuarelas coloridas: rúas, prazas, vivendas, igrexas. Colabora coa revista Cuadernos de Galicia. Edítase o libro El Orense perdurable, con 42 debuxos de Conde Corbal, comentados por Risco, prólogo de Otero Pedrayo e apuntamentos de Ferro Couselo. Realiza o cartel das Festas de Ourense.
Nace a súa filla María Eugenia.

Rodaxe dunha pelicula de José Val del Omar con Xaquín Lorenzo, Virxilio, Arturo Baltar e Conde Corbal.
Foto: Anric Massó

Expón en xaneiro, na Sala da Sociedad de amigos del Arte, da Biblioteca Nacional de Madrid, nunha colectiva de artistas ourensans, xunto con Quessada, de Dios, Virxilio, Arturo Baltar, Acisclo Manzano… En setembro expón no Instituto de Pontevedra debuxos, guaches e acuarelas, relacionadas coa cidade, e no Pazo da Deputación obras que completan a mesma temática. En decembro expón óleos, guaches e debuxos na Sala da Caixa de Aforros Municipal de Vigo. Edita o mapa Ourense Provincia Monumental.
Nace o seu fillo Ángel.

​Xaime Quessada funda o grupo do Volter, nome suxerido por Risco en lembranza do Café Voltaire de Zurich, onde se reunían os dadaístas. Xúntanse na Taberna do Tucho, coñecida logo como O Volter, pintan nas súas paredes, e fan tertulia con membros da xeración Nós: Risco, Otero Pedrayo, Ferro Couselo, Xaquín Lourenzo. Morre Vicente Risco.
Publica en Faro de Vigo debuxos, con textos de Gerardo González Martín, as series “Viaxes por Galicia” e “A ruta do Miño”. Comeza a colaborar co Diario de Pontevedra.
A Deputación de Pontevedra mercará arredor de 60 debuxos, e proxecta a edición da obra Pontevedra perdurable. Realiza os murais Pontevedra, para a Deputación, e o Beato Sebastián Aparicio, para o Convento dos Franciscanos en Ourense.

Levando con Xaquín Lorenzo o cadaleito de Vicente Risco

Expón en Pontevedra guaches, debuxos e acuarelas; con temática mariñeira, etnográfica e paisaxística. Continúa no Diario de Pontevedra coa seriededicada ao Ano Santo. Tamén lle dedica colaboracións á Festa do Marisco do Grove. Publica “Os santos galegos”, en Faro de Vigo.
Publica Pontevedra en 50 dibujos, con prólogo de Filgueira Valverde e apuntamentos de Alfredo García Alén, e o folleto Santiago llegó por mar. Edita o mapa da Baixa Limia. Fai un mural para o Café Carabela de Pontevedra.
Comeza a colaborar coa revista Vieiros.

Montando unha exposición na Estrada con Xosé Matalobos.
Foto: Antonio Gabriel

Edita a obra Pontevedra: La Tierra y sus gentes. Publica o cartel dedicado a Miguel Hernández.

Expón en Marín, en xaneiro, inclúe acuarelas cos temas habituais: dornas, peixeiras, mariñas… En marzo en Ourense, en maio, en Vigo; en xuño, na Coruña e en Santiago; en xullo, en Lugo na tasca Yuma, son traballos de homes e mulleres entrañables de Galicia. Colabora con La Noche / El Correo Gallego de Santiago, e coa revista Nova Galicia, de México. Realiza con Chamoso Lamas a exposición do Románico galego, en Santiago.

Traslada a súa residencia a Madrid. Exposición de debuxos e guaches na Sala Toisón de Madrid. Fai o mural Bancos desde La Cibeles, para a Banca di Lavoro. Comeza  a colaborar coas revistas Chan, e Nivel. Ilustración para O Divino Sainete de Curros.

Expón en dúas salas de Ourense debuxos e pinturas. Edita o cartel Histrión 70. Continúa colaborando en Chan.

Expón, en maio, en Vigo, debuxos; en agosto, en Monforte, na colectiva Pintura al óleo, acrílicos, ceras, dibujos de Artistas Galegos; en outubro, en Vigo, debuxos e pinturas; en novembro e decembro, con Elvira Blanco, en Ourense, Santiago, Pontevedra e Vigo, expón os gravados. Ilustra xunto a Isaac Díaz Pardo, “O cabaliño de buxo” de Xosé Neira Vilas

Expón a Obra gráfica. Valle Inclan, en Ourense, en xuño. En outubro expón no Concello da Estrada, tamén obra relacionada con Valle. Comeza a editar os seus gravados en offset e vendelos nas mostras. Coñece a Carol S. Maier, catedrática americana, especialista en Valle Inclán que lle merca 24 gravados desta serie. Edítase o libro Pazos de Pontevedra. Realiza o mural Atando redes para a Caixa de Aforros de Pontevedra en Vilagarcía de Arousa.

Carol S. Maier expón no Centro educativo Rutgers, de New Jersey, en abril, os gravados que lle mercou. En maio expón os mesmos gravados da obra de Valle Inclán en Ourense, e en setembro volven a EE.UU. para seren expostos no centro Bradley. Edita as series de gravados: “Vigo”, “Xentes do mar de Vigo”, “Desnudos”. Edita o libro A dorna e os que viven de ela. Regresa de Madrid e radícase en Vigo.

Carol Maier nunha conferencia con Antonio Odriozola e Filgueira Valverde entre outros

Expón en Ribadavia, na Mostra de Teatro para a que fai o catálogo e o cartel,  os gravados da obra de Valle Inclán. Expón en Nova York os gravados da obra   de Valle cedidos por Carol S. Maier. En Ourense mostra debuxos de Castelao e realiza o catálogo e cartel da actividade “Sempre na Galiza”. Homenaxe a Castelao” Pinta o mural da capela da Virxe das Mareas, no Grove.

Expón gravados en Ourense, de temática mariñeira e ourensá. Imprime  series de gravados: “Retratos”, “Ribadavia” e “Nenos, mulleres e vellos”. Realiza  o mural A Alba da Gloria de Castelao. Regresa a vivir, coa familia, en Ourense.

Nunha exposición de gravados

Expón en Ourense, en marzo, acrílicos sobre táboa de aglomerado, con temática mariñeira; en decembro, a serie de paxaros, que antes publicou en La Región. Retrato de Otero Pedrayo. Cartel Nós. Edita os gravados das series Na procura de fauna galega e Nós. Ilustra o libro Oración fúnebre [por Otero Pedrayo] do padre Isorna.

Expón algúns retratos de escritores ourensáns, acrílicos, en Ourense. Colabora na campaña cidadá do Grupo Adepende, para salvar o Teatro Príncipal. Edita as series de gravados Ourense perdurable, e A dorna e os que viven de ela. Activista realizador de carteis para causas diversas: “Canteiros de Cerdedo”,  “Romaría de San Xurxo de Sacos”, “Basilio Álvarez”, “Tomás Camacho”…

Expón en Ourense a serie A dorna e os que viven de ela. Segue publicando enLa Región as series Fauna Galega e Paxaros. Deseña os carteis das Festas dos Remedios do Castro Caldelas, co Irrio Peliqueiro como motivo, e o da exposición O Monte en Galicia. Imprime as series Fauna Galega: especies de río; e Mamíferos. Edítase o libro Escolma de cantigas, con ilustracións súas.  Carol S. Maier publica o seu artigo “Seis gravados de Xosé Conde Corbal. Notas para unha exposición valleinclanesca” na revista American Hispanist. Pinta un mural no IES Vilalonga, en Sanxenxo.

Prepara a edición de O fardel da guerra. Edita o mapa Galicia e Minho deica  o Douro. A revista Grial publica o artigo de Carol S. Maier “Xosé Conde Corbal e a estética do gravado. Unha reforma do ollo por medio da deformación da liña”. Reside en Pontevedra.

Expón no Instituto da Xunqueira, en Pontevedra, series de temática mariñeira, e fauna do mar. Participa na Colectiva de Pintores de Pontevedra Capital, en Pontevedra. Expón co seu fillo Enrique en Pontevedra: “Conde  Corbal. Enrique Conde”. Exposición itinerante sobre Galicia mariñeira. Ilustra artigos sobre Torrente Ballester para La Voz de Galicia. Reedición do Ourense perdurable.

Exposición Vicente Risco e o seu tempo, no Museo de Pontevedra. Colaboracións esporádicas en La Región e La Voz de Galicia. Cartel  Pontevedra monumental. Series de gravados: Especies mariñas; viaxe a Italia; Camelias.
Edítase o libro Patología de la camelia en Galicia, con ilustracións súas. Radícase no Grove, onde a súa muller, Margarita, dirixe a conserveira familiar.

Expón pintura de temática mariñeira, flora e paisaxe. No Museo de Pontevedra amosa Gravados sobre a Obra de Valle-Inclán. Colabora con La Región e de novo co Faro de Vigo. Realiza o mapa Fauna e Monumentos [da Provincia de Pontevedra].

Expón en Vigo a serie Vicente Risco na súa obra. Edita a serie de gravados sobre Risco, e Peixes e flores de Galicia. Ilustra os libros O Grove. Pontevedra, e Polos vieiros do mar.

Exposición Ourense en Pontevedra, no Museo de Pontevedra, pinturas, gravados e debuxos de temática ourensá. Colabora con La Región, Faro de Vigo, Disque  e a revista Corredoira. Realiza o mural Persoeiros da Ría de Arousa, para a organización feiral Vilagarcía Fexdega; os mapas Fauna das  Rías Baixas e Historia das Rías Baixas, e o carteis, carpeta e programa da II Semana de Filosofía, de Pontevedra. Comeza a vivir en Vilagarcía de Arousa.

Expón os Gravados sobre a obra de Ramón María del Valle Inclán, en Vilanova de Arousa, Mostra Conde Corbal Antolóxica, no Museo Provincial de Ourense. Edítase o Catálogo Conde Corbal, con textos de X. Antón Castro,  Carol S. Maier e María José Tiscar. A mesma Antolóxica repítese no Museo de Pontevedra. Realiza o mural Intelectuais da Ría de Arousa. Colabora coa revista Liceo Marítimo de Vilagarcía.

Na inauguración do mural “Intelectuais da Ría de Arousa”

Mostra Conde Corbal Antolóxica, na Fundación Caixa Galicia, na Coruña; no Museo do Pobo Galego, en Santiago; e no Círculo das Artes, en Lugo. Expón Fauna marina, acuarelas y grabados, en Vilagarcía de Arousa. Colabora con ilustracións na edición do Quixote en galego. O seu mural A Alba da Gloria é cedido á Facultade de Económicas de Santiago. Edítase a revista Do mar, con ilustracións súas.
Falece seu fillo Agustín.

Na inauguración da súa exposición antolóxica, á dereita Alfredo Conde.
Foto: Mani Moretón

Edítase o Catálogo da Colección de Arte da Facultade de Económicas de Santiago. Publica unha serie de ilustracións arredor da camelia: Laude da Camelia e outras cosas.

Expón acrílicos en Fexdega, Vilagarcia de Arousa, co título Círculos. Colaboracións con La Voz de Galicia.

Expón acrílicos e gravados no Museo Provincial de Ourense, co título Memoria dun Pobo. Esta mostra pasará a Fisterra, Vilagarcía e Pontevedra. Expón en Vilagarcia co título Conde Corbal. Pintura 1991-1993. No Castelo de Soutomaior expón a serie Galicia e o Miño. Colabora con La Voz de Galicia e Faro de Vigo. Edítase o libro Y luego Lugo ¿qué?… con gravados seus.  Realiza o mural Comarca de Arousa.

Participa na exposición colectiva titulada O gaiteiro nas Artes, en Cambados que logo vai a outros lugares: como Narón, Melide, A Pobra, Ribeira…

Traballa en varias series de gravados anteriores, con intención de facer novas edicións.

Realízase en Vilagarcía unha homenaxe a Antonio Odriozola, cun retrato de Conde Corbal na cuberta do catálogo. Debuxa series de camelias

Edítase o libro Vista pictórica. Parque del Castillo de Soutomaior, con ilustracións súas. Traballa na obra realizada da serie de Pobos e cidades de   Galicia, con intención de publicala.

Falece en marzo, na súa vivenda de Vilagarcía de Arousa.